မြင်းခြံတွင် တက္ကသိုလ်​ဝင်​တန်း စာ​မေးပွဲ​ဖြေဆိုရန်​ ပျက်​ကွက်​သူ တိုးလာ

မန္တ​လေးတိုင်း​ဒေသကြီး မြင်းခြံမြို့နယ်​မှာ ၂၀၁၇- ၂၀၁၈. ပညာသင်​နှစ်​အတွက်​ တက္ကသိုလ်​ဝင်​တန်း စာ​မေးပွဲကို ​ဖြေဆိုခဲ့ရာမှာ ​ဖြေဆိုဖို့​ ပျက်​ကွက်​သူ ​​ကျောင်းသား/သူ ဦး​ရေဟာ ပိုတိုးမြင့်လာတယ်​လို့ မြို့နယ်​ပညာ​ရေးမှူးရုံးမှ သိရပါတယ်​။

မြင်းခြံမြို့နယ်​မှာ ၂၀၁၇-၂၀၁၈ ပညာသင်​နှစ်​အတွက်​ တက္ကသိုလ်​ဝင်​တန်းစာ​မေးပွဲ​ဖြေဆိုဖို့​ စာစစ်​ဌာ ၇ ခု ထားရှိခဲ့တာဖြစ်​ပြီး စာရင်းရှိ ​ဖြေဆိုမယ့်သူ​ပေါင်း ၄၉၁၈ ဦး၊ ​ဖြေဆိုသူ​ပေါင်း ၄၆၄၇ ဦး ​ဖြေဆိုခဲ့ပါတယ်။

စာ​မေးပွဲကာလ ပထမ​နေ့မှာ ပျက်​ကွက်​သူ ၂၅၈ဦး၊ ဒုတိယ​နေ့မှာ ပျက်​ကွက်​သူ ၂၆၇ ဦး နဲ့ တတိယ​နေမှာ  ၂၇၁ ဦး အထိ ​ဖြေဆိုဖို့ ​ပျက်​ကွက်​သူ တိုးမြင့်လာတာလည်း ဖြစ်​ပါတယ်​။

မတ်​ ၈ ရက်​​ ဒုတိယနေ့ကလည်း မြင်းခြံမြို့ အ-ထ-က( ၂) စာ​ဖြေဌာန ကံ့​ကော်​​ဆောင်​ အခန်း အမှတ်​ (၁၂) မှာ သိပ္ပံဘာသာတွဲ ​ဖြေဆို​နေ​တဲ့ ကျောင်းသူတဦး မူး​ဝေလဲကျသွားလို့ မြင်းခြံခရိုင်​ ပြည်​သူ့​ဆေးရုံးကြီးကို ပို့ဆောင်ကုသထားရပါတယ်။

အခုလို စာမေးပွဲဖြေဆိုဖို့ ပျက်ကွက်သူ တိုးလာတဲ့အပေါ် မြင်းခြံမြို့နယ် ပညာရေးမှူး ဦးကျော်ကျော်က “တချို့က​လေး​တွေက ၁၀ တန်းစာ​မေးပွဲကို ​ဖြေကြည့်ချင်​တယ်​၊ ဒါက သူတို့အတွက်​ အခွင့်​အ​ရေး​ပေါ့​လေ။ တကယ်​တမ်းကျ မြန်​မာစာ ​ဖြေဆိုတဲ့​နေ့မှာကိုပဲ ​ကောင်း​ကောင်း မ​ဖြေဆိုနိုင်​ကြတာ​တွေရှိတယ်​။ တကယ်​​ဖြေကြည့်တဲ့အချိန်​မှာ ဒီတက္ကသိုလ်​စာ​မေးပွဲရဲ့ ​မေးခွန်းပုံစံ အခက်​အခဲကို သိသွားကြ​တော့ ​နောက်​ရက်​​တွေမှာ ဆက်​​ဖြေဖို့ အခက်​အခဲရှိတာကတပိုင်း၊ ​နောက်​​နေ့ အင်္ဂလိပ်​စာ​ဖြေဆိုတဲ့အခါမှာ အက်​​ဆေးက ပုံစံတ​မျိုးနဲ့ ​မေးလိုက်​တဲ့အတွက်​ အဲ့ဒီအ​ပေါ်မှာ က​လေး​တွေ မ​ဖြေနိုင်​ကြဘူး။ အဲ့မှာ ထပ်​ပြီး ပျက်​ကွက်​ကုန်​တယ်​”  လို့ ပြောပါတယ်။

ဒ့ါအပြင် ကျောင်းသားမိဘတွေက ဖြေဆိုစေချင်လို့ ဖောင်လာရောက်တင်ထားပေမယ့် ကျောင်းသားတွေက လာမဖြေကြဘူးလို့ ဆိုပါတယ်။

“ပျက်​ကွက်​ရတဲ့ အ​ကြောင်းရင်းကလည်း ​ဖောင်​တင်​တဲ့အခါမှာ တစ်​ချို့ မိဘ​တွေက ​ဖြေဆို​စေချင်​လို့ တင်​တာရှိတယ်​၊ ​ဖောင်​တင်​ခွင့်ရတုန်း တင်​လိုက်​တာမျိုး​တွေရှိတယ်​။ တကယ်​တမ်း​ဖြေဆိုရမယ့် အချိန်​​ရောက်​​တော့ အလုပ်​မအားတာ​တွေ၊ နယ်​​ဝေး​ရောက်​​နေတာ​တွေ၊ မိမိကိုယ်​တိုင်​က ​ဖြေချင်​စိတ်​မရှိတာ​တွေ​ကြောင့် ​ဖြေဆို ပျက်​ကွက်​လာတယ်​လို့ ယူဆလို့ရပါတယ်​။”

သတင်း ရီရီထွန်း ( မြင်းခြံ )

The post မြင်းခြံတွင် တက္ကသိုလ်​ဝင်​တန်း စာ​မေးပွဲ​ဖြေဆိုရန်​ ပျက်​ကွက်​သူ တိုးလာ appeared first on DVB.